Natalana nga magpagwa sang desisyon ang Senate Impeachment Court may kaangtanan sa kontrobersiya sa “misleading questions” nga nangin subject sa ika-15 nga adlaw sang impeachment trial kay Vice President Sara Duterte.
Sa pagpadayon sang trial subong nga Lunes, Agosto 17, wala ginhatag ni Trial Presiding Officer Francis “Chiz” Escudero ang manifestation ni Atty. Amando Ligutan kag ginpahayag nga mahatagan ini sang tsansa sa husto nga tion.
Ginpangabay ni House Prosecutor Joel Chua nga maghatag sang paathag si Ligutan angut sa iya online post nahanungod sa “mga nagapatalang nga mga pamangkot,” nga nagtuhaw pagkatapos nga nagbaisay ang prosekusyon kag depensa sa tion sang cross-examination sa COA witness nga si Xylene Del Campo.
Samtang, ginkwestyon ni Lead Defense Counsel Atty Sheila Sison ang nasambit nga post kag ginakabig nga “troubling” bangud daw kaangay ginatumod sini si Atty.Kristine Ferrer.
