Posible nga sa Disyembre 16, 2026, ipagwa sang Senate Impeachment Court ang pinal nga desisyon sa impeachment trial ni Vice President Sara Duterte.
Suno kay impeachment court spokesperson Reginald Tongol, ini ang subong nga target date, kun gamiton sang depensa ang bug-os nga 30 ka adlaw nga gintalana para sa ila case presentation.
Una na nga ginbulubanta nga ang hearing mahimo maglawig tubtob sa Pebrero ukon Marso ang trial.
Ginapahayag nga mahimo ipaiway sang tubtob 27 ka adlaw ang hearing kon lubos nga kakason sang prosekusyon ang Article 3 nga nagapatuhoy sa mga alegasyon sang bribery.
Apang, pagkatapos sang presentasyon sang prosekusyon, dapat ini magsumiter anay sang pormal nga tanyag sang ebidensya antes pormal nga magsugod ang presentasyon sang depensa.
Dugang pa ni Tongol, mas kumpyansa na subong ang impeachment court nga matapos ang trial antes ang holiday recess sang senado.
