Sa ginpresentar nga dokumento sang prosekusyon sa ika-18 ka adlaw sang impeachment trial, nahibaluan nga nagrequest si Vice President Sara Duterte sang masobra 400 security personnel kag additional special duty allowance para sa myembro sang Vice Presidential Security and Protection Group (VPSPG).
Suno kay OVP Asst. Chief of Staff Lemuel Ortonio, wala sya sang personal nga ihibalo kun may ara man sang kaangay nga request ang mga nagligad nga bise presidente sang pungsod.
Gilayon man nga object ang ang Depensa batok sa diskusyon sa sweldo sang VPSPG, ilabi na nga inid man ini sakop sang COA findings ukon sang impeachment case.
Didto man kag nagsabat si Presiding officer Escudero nga wala sa posisyon si Ortonio agud sabtun ang nangin pahayag sang prosekusyon.
Dugang pa niya, ginalantaw nga may kaangtanan ini sa paggamit sang OVP sang confidential funds .
