Ginhatagan sang panawagan ni Senate President Win Gatchalian ang Department of Transportation (DOTr) nga maghimo sang klaro kag strategic nga roadmap para sa pagpatuman sang Public Utility Vehicle Modernization Program (PUVMP), kag siguruhon nga makompleto anay ang mga importante nga tikang pareho sang route rationalization agud mangin madinalag-on kag makahatag benipisyo ang programa sa malawig nga panahon.
Sa hearing sang Senado parte sa ginapanukot nga 2027 budget sang DOTr kag sang mga attached agencies sini, nagpahayag sang pagkabalaka si Gatchalian sa mahinay nga pagkumpleto sang route rationalization studies nga ginsugoran pa sang nagligad nga administrasyon, pero tubtob subong wala pa gihapon natapos.
Ginaduso ni Gatchalian nga unahon anay ang mga highly urbanized areas, diin pinakamataas ang panginahanglan sa transportasyon kag mas mabug-at ang problema sa traffic congestion.
Sa subong, nagalab-ot sa P891 milyon ang equity subsidies nga wala pa mapanghatag.
Nagsugot man si Transportation Secretary Giovannie Lopez kay Gatchalian kag nagsiling nga mahimo gid nga mas mabudlayan ang mga operator kag driver sa pagbayad sang ila amortization bangud sa padayon nga pagsaka sang presyo sang krudo. Ginpabutyag man niya ang importansya nga ipadayon ang PUV modernization program.
