ROXAS CITY – Personal nga ginbisitahan ni Senate Majority Leader Juan Miguel “Migz” Zubiri ang probinsya sang Capiz agud idul-ong ang iya bulig sa mga Capizeño nga nahalitan sang Bagyo nga Ursula sang tinalikdan nga tuig.
Kadungan sini masadya nga ginbantayan sang mga Capizeño si Zubiri sa iya pag-abot sa provincial capitol kun sa diin dala sini ang 1,780 nga food packs kag 100 sako sang bugas nga nakarga sa truck para ihatag sa mga naapektuhan sang nasambit nga bagyo.
Ginpahayag ni Senate Majority Leader Sen. Juan Miguel “Migz” Zubiri nga magapatigayon ini sang privileged speech sa senado agud magpapasar sang supplemental budget bilang bulig sa mga lugar nga naapektuhan sang Bagyo nga Ursula.
Ginhimo ni Zubiri ang pahayag kadungan sang iya pagbisita sa Capiz kun sa diin gindul-ong sini ang bulig sa mga naapektuhan sang Bagyo nga Ursula.
Nahibaluan nga antes nagpadulong si Zubiri sa Capiz naggikan pa ini sa bahin sang Davao del Sur.
Nagpasalamat naman si Zubiri sa Capiz Provincial Government nga pinaunlakan ang iya pagbisita sa probinsya.
