Gin-anunsyo ni Senate President Vicente “Tito” Sotto III nga plano sang mayorya sang Senado nga i-appoint si Senator Loren Legarda bilang Senate President antes matapos ang iya termino sa 2028, nga mangin labing-una nga babaye nga magapanguna sa mataas nga kamara sang Kongreso.
Ginhatagan pagtamod ni Sotto nga ini nga tikang indi isa ka porma sang “pag-ambit sang termino,” kundi isa ka maid-id nga plano sa pagsiguro sang makasaysayan nga posisyon ni Legarda sa Senado.
Ang anay joke nahanungod sa posible nga pag-appoint sa Senador nangin isa ka seryoso nga butang, nga ginalauman nga matuman sa tion nga mapasar ang National Budget para sa 2027.
Dugang pa ni Sotto nga pila ka mga senador, lakip na ang pila gikan sa minorya, ang nagasuporta man sa plano ni Legarda nga magsaka sa liderato sang Senado, nga ginakalipay naman sang Senadora.
