Ginpakamalaut sang Senate Minority Bloc ang daw kaangay nga pag-boycott sang tanan nga katapo sang majority bloc sa ginpatigayon nga plenary session sang kahapon nga adlaw kasunod sang boluntaryo nga pagsungka ni Senador Jinggoy Estrada sa mga otoridad.
Suno sa Solid Bloc-11, wala sang may nagtambong ni isa ka miyembro sang majority rason nga wala nadayon ang sesyon.
Ginpanindugan man ni Senador Juan Miguel Zubiri nga kasubong nga isa ka sahi sang protesta ang indi pagtambong sang pila ka mga senador kag sang presiding officer sa sesyon sang Senado.
Dugang pa sini nga sa iya 14 ka tuig sa senado, subong lamang nga tion niya naeksperyensyahan nga wala nagpakita ang presiding officer sa isa ka natalana nga sesyon.
Nagpanawagan man sila nga ibalik ang plenary session agud mapadayon ang mga pending nga bagay.
Ginpanindugan sang grupo nga dapat magpangibabaw ang transparency kag accountability sa tunga sang mga kontrobersiya, samtang ginahulat ang masunod nga tikang sa pamunuan sang Senado.
