Ginpanindugan ni Senate minority leader Alan Peter Cayetano nga dapat pasabton ang mga opisyal sang gobyerno nga lakip ang mga pangalan sa alegasyon sang korapsyon nga wala sang pinilian.
Suno kay Cayetano, dapat mangin patas ang pagpatuman sang kasuguan kag dapat pasabton ang sin-o man nga mapamatud-an nga responsable, ano man ang ila posisyon ukon kaalyado nga grupo sa gobyerno. Ginhatagan man sini sang importansya ang due process kag independent investigation sa tanan nga isyu may kaangtanan sa korapsyon.
Kadungan sini, ginpahayag man sang senador nga daw kaangay nga naga-eksperyensya sang pressure ang ila grupo sa oposisyon bangud sa sunod-sunod nga pagpasaka sang kaso batuk sa pila ka mga personalidad.
Ginbuyagyag man sini ang alegasyon nga ang iban gintanyagan nga magbaylo sang bahin kabaylo sang pagbasura ukon pagkadula sang mga kaso nga ila gina-atubang.
Sa pihak sini, ginpanindugan ni Cayetano nga dapat palarehas ang pagtratar sa tanan kag indi dapat paggamiton ang kasuguan batok sa mga kasumpong sa pulitika.
