MANILA, Philippines – Ginaduso sang Senate Committee on Public Information kag Mass Media ang isa ka bill proposal nga himuon 16-anyos ang minimum age para makagamit sang social media.
Ang Senate Bill No. 2424 ukon proposed Child Online Safety and Protection Act, nagatinguha sa pag-regulate sang access sang kabataan sa social media platforms kag obligasyon sa mga kompanya sang social media companies nga protectaran ang menor de edad nagika sa risgo sa online.
Ginpangunahan ni Senator Robinhood Padilla ang pag-proposed sa plenary session sang Senado, ini ang tikang para mapabakod ang seguridad kag proteksyon sang tagsa ka kabataan.
Suno kay Senate President Win Gatchalian, isa ini sa mga paagi para maprotektahan ang mga kabataan batok sa peligro nga mahimo nila atubangon online.
Sa pihak nga bahin kinahanglan sang social media platforms nga magpatuman sang epektibo nga age-assurance systems agud matapna ang mga menor de edad nga wala pa nag-16 anyos nga makahimo ukon makapadayon sang social media accounts.
Ginapanagabay man nga magsunod ang sistema sa Data Privacy Act kag limitahan ang paggamit sa personal information sang mga kabataan para sa commercial purposes.
Dugang pa ni Padilla, masobra 20 ka mga pungsod ang nagpatuman ukon nagakonsiderar sang kaangay nga restrictions sa social media nga paggamit sang mga kabataan, samtang may iban nga nagaduso man sang 16 anyos bilang minimum age.
Nagkalain-lain man ang panan-aw sang mga experto parte sa minimum age, bangud ang online interaction mahimo man nga makabulig sa social kag cognitive development sang kabataan.
Sa karon, bukas pa ang poroposed bill sa dugang nga pag-usisa kag amendments kun sa diin nagapadayon ang deliberasyon sang Senado, samtang ang nahibaluan nga supportado nanday Sen. Padilla, Gatchalian, Panfilo Lacson, Camille Villar, Erwin Tulfo, Imee Marcos, Loren Legarda, Joel Villanueva, Bam Aquino, kag Francis Escudero.
