MANILA, Philippines – Pagausisaon Senate panel on Social Justice, Welfare, and Rural Development ang edad sang criminal liability para sa mga menor de edad kasunod sang tatlo ka separado nga makahaladlok nga insidente nga nalakipan sang menor de edad sa nagkalain-lain nga bahin sang pungsod.
Suno kay Senator Erwin Tulfo, chairman sang komite, himuon ang pagpangusisa sang Republic Act 9344 ukon Juvenile Justice and Welfare Act of 2006 agud maistoryahan ang nakita nga kakulangan sa implementasyon, lakip na ang probisyon sa edad sang criminal liability.
Ini kasunod sang pagpangluthang sa Tacloban City, pagpangbuno sa Negros Occidental kag Cavite nga nalakipan sang pila ka menor de edad.
Sa karon nahibaluan sa ginpahayag ni Tulfo luyag sang komite nga usisaon ang kakulang sang nagaserbi nga Bahay Pag-asa facilities para sa Children in Conflict with the Law ukon CICL, mga intervention programs, kag accountability sang tagsa ka ginikanan.
