Nagpagwa sang separado nga mga advisories sa work arrangements sang mga empleyado sang Senado sanday Senate President Alan Peter Cayetano kag acting Senate President Sherwin Gatchalian, nga liwat nga nagkuha sang atensyon sa nagapadayon nga tensyon sa liderato sang Senado.
Sa isa ka memorandum nga ginpirmahan ni Cayetano kag napetsahan sang Hunyo 9, ginpahibalo sini ang tanan nga empleyado sang Senado nga magapabilin ang regular nga oras sang pagtrabaho halin Hunyo 8 tubtob Hunyo 11, 8 a.m. tubtob 5 p.m.
Ang schedule ang nasandig sa probisyon sang 2024 Collective Negotiation Agreement may kaangtanan sa pag-obserbar sang Independence Day sa Hunyo 12.
Suno sa advisory, ang tanan nga empleyado ginalauman nga magsunod sa gintalana nga oras sang pagtrabaho kag nga ang nagaluntad nga mga polisiya sang opisina ang hugot nga ipatuman.
Samtang, sa separado nga advisory nga ginpirmahan ni Gatchalian sang Hunyo 9, ginpahanugutan na nga magtrabaho gikan sa ila mga puluy-an ang mga empleyado sang Senate Secretariat kag Senate Proper sang Hunyo 10 kag 11.
Gin-athag sa memorandum nga ang desisyon ang base sa impormasyon nga nabaton halin sa National Bureau of Investigation Director Melvin Matibag, Director angut sa ginaalegar pamahog sa seguridad sang senado.
Suno kay Gatchalian, kinahanglan man nga magpatigayon sang security assessment, inspection, kag iban pa nga safety measures sa sulod sang Senate building.
Bangud sini, temporaryo nga ipatuman ang work-from-home arrangement sa sulod sang duha ka adlaw.
Apang ginklaro sang advisory nga posible kinahanglan pa nga magsulod sa talatapan ang pila ka mga empleyado nga involve sa security, maintenance, kag iban pa nga essential services agud masiguro ang padayon nga operasyon sang Senado.
Madumduman nga sang damlag lang, may yara sang pagbag-o sa impormasyon sa opisyal nga website sang Senado angut sa position nanday Gatchalian kag Cayetano.
Sa subong, wala pa sang opisyal nga pahayag ang Senado kon paano gid ipatuman ang duha ka magkatuhay nga advisories kag kun ano ang mangin main guide para sa mga empleyado sa masunod nga mga inadlaw.
