Nagluntad ang mainit nga pagbaisay sa Senado nanday Senate President Alan Peter Cayetano kag DILG Secretary Jonvic Remulla samtang ginapatigayon sang PNP-CIDG ang pagdakop kay Senator Jinggoy Estrada may kaangtanan sa kaso nga plunder.
Ginpanindugan ni Cayetano nga dapat respetuhon bilang isa ka institusyon ang Senado kag pahanugutan nga makaguwa si Estrada antes ipatuman ang arrest warrant.
Suno sa iya, indi dapat pagdakpon ang isa ka senador sa sulod mismo sang Senado.
Mabaskog nga nagpamatok si Remulla kag ginpahayag nga nadula na ang nasambit nga pribilehiyo matapos ang ginapahayag pagpalagyo ni Senator Ronald Dela Rosa gikan sa protective custody.
Ang pagbinaisay nagpakita sang komplikado nga isyu sang gahum sa tunga sang legislative kag sang executive.
Samtang, nagapabilin nga sentro sang kontrobersiya ang kaso ni Estrada may kaangtanan sa ginaalegar P573-million nga maanomaliya nga flood control projects, isa ka non-bailable nga kaso nga may penalidad nga reclusion perpetua kon mapamatud-an nga guilty.
