Ginpanindugan ni Senate President Allan Peter Cayetano nga wala sang problema kun indi pabor ukon mag-ugyon ang iban sa iya basta masarangan niya nga ipakigbato ang kamatuoran kag ang Konstitusyon.
Suno kay Cayetano, apisar nga limitado lang ang iya pwesto bilang Senate President, padayon niya nga tumanon ang iya katungdanan kag ipakigbato ang iya ginapatihan nga tama.
Ginhatagan man pagtamod sang senador nga wala nila ginakabig nga kaaway ang Malacañang sa nagapadayon nga tensyon sa senado.
Sa baylo, ginsiling sini nga ang ila ginapamatukan amo ang mga kabutigan kag ang mga tikang nga suno sa iya nagapabalabag sa mga probisyon sang Konstitusyon.
Nahibaluan nga subong nga adlaw magapatigapon ang Gatchalian bloc sang sesyon sa senado kag Senate Blue Ribbon Committee Hearing angot sa maanomaliya nga mga flood control projects.
