Ginbuyagyag ni Senate President Alan Peter Cayetano nga may yara sang gina-alegar pagtinguha nga punggan kag pahugon ang pila ka mga senador nga kabahin anay sang minority bloc agud magporma sang independent majority bloc sa senado.
Suno kay Cayetano, lakip sa gin-alegar pressure nga gingamit amo ang pamahog nga pasakaan sang kaso ang pila ka mga senador nga gin-alegar gin-istoryahan antes pa man naglala ang impeachment issue.
Dugang pa sini nga may mga report man nga ginaalegar pamahog kag intimidation nga tuyo nga maimpluwensyahan ang panindugan sang mga mamalidha sa sulod sang senado.
Ginpanindugan sang lider sang Senado nga nakadepende na sa mga senador ang pagdesisyon kun ipaguwa ang mga ebidensya nga yara sa ila may kaangtanan sa mga alegasyon.
