Ginkalipay ni Senate President Francis “Chiz” Escudero ang plano ni Presidente Ferdinand Marcos Jr. nga ibalik ang maayo nga relasyon kay Vice President Sara Duterte kag sa pamilya sini.
Suno kay Escudero, maathag ang pahayag ni Presidente Marcos nga subong ang tyempo agud maghili-usa kag kaangay indi magsunog sang tulay para sa kaayuhan sang pungsod.
Dugang pa sini, sang tion sang pag-ako sang Presidente nga plano sini nga kay-uhon ang relasyon sa kay Vice President Sara Duterte kag sa pamilya sini, ginpahanumdum sini nga kinahanglan unahon ang mga pumuluyo kaysa sa personal nga indi pag-intindihanay kag away pulitika.
Kumporme man ang liderato sang Senado sa panawagan ni Presidente Marcos Jr nga indi danay pag-intindihon ang pulitika kag hatagan sang daku nga pagtamod ang kinahanglanon sang mga Pilipino.
Pahayag pa sini nga indi dapat magpalamon sa pulitika ang mga lideres sang ating punsod madamo nga mga Pilipino ang nagakabudlay at pilit nga ginabuhay ang pang adlaw-adlaw.
Samtang, ginatahod naman ni Escudero ang pagpakanubo sang Presidente sa pagkilala nga ginpakita sang tinalikdan nga piniliay sa mga pumuluyo nga ginakapoy na sa banggianay kag luyag sang isa ka gobyerno nga naka-sentro sa mga kinahanglanon sini kag indi nagakabalaka sa mga drama sang pulitika.
