Ginpasalig ni Senate President Vicente “Tito” Sotto III nga handa ang Senado nga mag-convene bilang impeachment court kun ipadala sang House of Representatives ang Articles of Impeachment batuk kay VP Sara Duterte.
Suno kay Sotto, mahimo gilayon nga mag-convene ang Senado isa ka adlaw matapos mabaton ang mga dokumento, suno sa ginapatuman sang Konstitusyon.
Apang, gin-athag sini nga indi pa magsugod ang impeachment trial bangud madamo pa sang kinahanglanon nga preparasyon kag proseso, lakip na ang pag-organisa sang impeachment court kag ang pagplastar sang mga pagsulundan sa hearing.
Dugang pa sini nga importante nga sundon sang husto ang proseso agud mangin matalunsay ang pagpadayon sang kaso.
Sa subong, ginahulat pa ang pormal nga pagpadala sang Articles of Impeachment halin sa House of Representatives.
Matandaan nga 55 ka mga miyembro sang House Committee on Justice ang nagboto pabor sa pag-apruba sang Committee Report may kaangtanan sa impeachment complaints batuk kay VP Duterte.
