Pormal nga maga-resign bilang Senate Blue Ribbon Committee Chairman ang Senate President Pro Tempore Panfilo Lacson nga amo ang responsable sa mga maanomaliya nga mga flood control projects sa pungsod.
Sa isa ka pahayag, gin-athag ni Lacson nga ang iya desisyon ang base man sa mga komento nga iya nabatian gikan sa iya mga kaupdanan sa Senado kag sa ila pagpangduha-duha sa iya pagpamuno sa komitiba.
Suno sa iya, bangud ang tanan nga committee chairmen ang ginapili sang ila mga kaupdanan, magaserbisyo si Lacson base sa luyag sang iya mga kaupod nga senador.
Dugang pa ni Lacson, tion na nga mag-resign kag itugyan sa iban pa nga mga katapo sang Senado nga sa ila pagpati mas maayo ang pag-uyat sang mga hearings.
Ginpanindugan pa sini nga wala sang kritisismo gikan sa mga netizens ukon bisan gikan sa mga partisan sectors ang makapahilabot ukon makapilit sa iya nga himuon ang iya trabaho bilang chairperson sang komitiba, apang kon ang iya mismo mga kaupdanan ang nagsugod sa paghambal nahanungod sa iya administrasyon, mas maayo suno sa iya nga maghalin na lang siya.
Samtang, sa pihak sini nga mga pahayag, ginpanindugan ni Lacson nga wala nagatapos diri ang iya trabaho sa pagpakig-away sa graft kag corruption gikan sa bulok nga sistema kag pag-abuso sa pondo sang publiko.
