Pormal nga napilian bilang bag-o nga Senate President si Senator Alan Peter Cayetano matapos makakuha sang 13 ka boto sa Senate plenary vote nga ginhiwat kahapon, Mayo 11.
Sa kabug-usan nga 24 ka mga senador nga nagtambong sa session, nakakuha sang 13 ka boto si Cayetano, samtang si Senator Vicente “Tito” Sotto III ang nakakuha lamang sang 9 ka boto.
Lakip sa mga nagboto pabor kay Cayetano, magluwas sa iya siyam ka mga kaupdanan sa Minority bloc amo ang iya utod nga si Sen. Pia Cayetano kag mga utod nga sanday Sen. Camille kag Mark Villar.
Ang siyam ka mga Senador nga nagboto kay Sen. Sotto amo sanday Sen. Bam Aquino, Win Gatchalian, Risa Hontiveros, Panfilo Lacson, Lito Lapid, Kiko Pangilinan, Raffy Tulfo, Erwin Tulfo kag Tito Sotto.
Duha naman ka mga senador ang nagdesisyon nga mag-abstain lakip sanday Sen. JV Eqjercito kag Sen. Juan Miguel Zubiri.
Nahibaluan ga si Cayetano ang ika-apat nga lider sang Senado sa idalum sang administrasyon ni Ferdinand Marcos Jr. sa tunga sang mainit nga isyu may kaangtanan sa impeachment complaint batok kay Vice President Sara Duterte.
