Senator Bam Aquino, Dismayado sa mahinay nga Pag-release sang Pondo para sa Classroom Projects

Dismayado si Senator Paolo Benigno “Bam” Aquino IV sa mahinay nga pag-download sang ₱65 bilyon para sa pagkaayo sang mga classrooms sa tanan nga local government units sa 2026 national budget.

Suno sa senador, mahimu ini nga magtuga sang pagkaatrasar sa pagkaayo sang mga classrom sa pungsod.

Nagalaum naman ini nga ma-release ang pondo sa husto nga tion agud mapasabat ang ginabulubanta 166,000 nga classroom nga backlog sa pungsod.

Liwat sini nga ginpanawagan ang Kongreso nga ipasar ang Classroom-Building Acceleration Program (CAP) Act agud mas mapadasig ang proyekto.