Naghingyo si Senador Ronald “Bato” dela Rosa nga ibutang siya kustodiya sang Philippine National Police (PNP), suno kay Senate Sergeant-At-Arms Retired Major General Mao Aplasca.
Suno kay Aplasca, nabatian niya ang pangabay sang senador sang nakigkita siya kay Philippine National Police Chief Jose Melencio Nartatez Jr., kag Department of the Interior and Local Government Secretary Jonvic Remulla.
Nahibaluan nga sang Huwebes sang kaagahon naghalin sa Senado si Dela Rosa, pila ka oras matapos nagluntad ang sunod-sunod nga lupok sa sulod sang Senado samtang nakalock-down sang Senate Building.
Samtang ginpahayag naman ni President Ferdinand “Bongbong” Marcos Jr sang Miyerkules sang gab-i nga wala siya sang ginhatag nga mando nga dakpon si Dela Rosa.
Sa subong, wala pa mahibaluan kon sa diin si Sen. Bato bangud nagpamalibad man nga maghatag sang pahayag ang iya sini nga kampo.
