Matapos ang halos anum ka bulan nga wala nagtrabaho sa Senado, liwat nga nakit-an sa publiko si Senator Ronald “Bato” Dela Rosa.
Humalin Nobyembre 2025, wala nakatambong sang sessions sa Senado si Dela Rosa matapos ginpahayag ni Ombudsman Jesus Crispin Remulla nga may may Nakita ini nga arrest warrant sang International Criminal Court batuk sa nasambit nga senador.
Apang sa baylo nga abi-abihon ini sa iya pagsulod sa Senado, ginapahayag nga ginbalabagan kag ginlagas siya sang mga personnel sang National Bureau of Investigation sa Senate Building.
Sa ginpakita nga video sang Senado, makit-an nga ginalagas siya sang mga NBI agents kag natipalo pa sa hagdan rason nga nabali ang iya tatlo ka tudlo.
Pagsulod ni Dela Rosa sa session hall, naakig ini kag nagsiling nga kun indi siya magtrabaho, ginapangita siya sang tawo apang kun yara man ang iya presensya, pamangkuton pa kun ngaa nagsulod ini sa trabaho.
