Ginbuyagyag man sang isa ka resource person nga nagpakilala kay Bernard Gumban nga makaduha ka beses niya nga gindeliver ang mga maleta nga may unod nga kwarta kay Senador Erwin Tulfo.
Suno kay Gumban nga miyembro sang “18 Ex-Marines” una siya nga nagdeliver sang duha ka maleta nga suno sa iya, masami nga nagaunod sang kapin P20 million tubtob P25 million, samtang ang medium-sized nga mga maleta ang ginaalegar may unod nga P40 million tubtob P50 million.
Base sa iya pagbulubanta, ang una nga pagdul-ong ginbulubanta nga nagalab-ot ini sabg P60 million kag P70 million.
Sa ikaduha nga okasyon, ginpahayag ni Gumban nga anum ka maleta ang iya gindul-ong nga ginabulubanta sini nga nagalab-ot sa P150 million ang kabug-usan nga balor sang unod.
Suno sa resource person, gin-alegar nga gindeliver ang mga maleta sa puluy-an ni Sen. Tulfo sa Greenhills.
