Gintawag naman nga Fake news ni Senator Francis Pangilinan ang alegasyon ni Senator Imee Marcos nga may yara sang gin-alegar charter change attempt agud palawigon ang termino ni President Ferdinand Marcos Jr.
Suno kay Pangilinan, ang Constitutional Amendments Committee nga iya ginapangunahan humalin sang Agosto 12 sang nagligad nga tuig tubtub Mayo 11 subong nga tuig wala sang may narekord nga hearing angot sa anuman nga isyu sa pagbag-o sang konstitusyon.
Ginhatagan niya pagtamod nga ang wala sang anuman nga hearing nga isa ka maathag nga pamatuod nga wala sang pormal nga tikang ukon deliberasyon ang natabo sa senado angut sa nasambit nga isyu.
Bangud sini, ginpanindugan ni Pangilinan nga sala ang mga pahayag nga may nagaluntad na nga charter change plan sa idalum sang subong nga lehislatura.
