Ginpanindugan ni Senate President Pro Tempore Sherwin Gatchalian nga isa lang ang Senado sang Pilipinas kag legal ang proceedings nga ginpatigayon sang iya grupo sang Hunyo 3.
Kasunod ini sang pagtawag ni Senate President Alan Peter Cayetano nga ‘Senate of malacanang’ ang grupo ni Gatchalian.
Suno kay Gatchalian, nagporma ang ila grupo sang quorum nga may 12 ka mga senador, gani nangin valid ang mga tikang nga ginhimo lakip na ang pagbakante sang mga posisyon sa Senado.
Ginpahayag man niya nga ginakilala sang iban nga institusyon kag ang pila ka mga legal expert, kag luminaries ang nasambit nga tikang.
Dugang pa sini nga apisar may yara sang duha ka grupo sa Senado, nagapabilin nga pareho ang institusyon kag liderato sini.
Pahayag pa niya, ang Senado ang ginabug-usan sang majority bloc nga may 12 ka miyembro kag minority bloc nga may 10 ka miyembro, apang nagapabilin nga isa lang ang senado sang Pilipinas.
