Magapadayon subong nga adlaw ang impeachment trial batuk kay VP Sara Duterte.
Suno kay Senador Risa Hontiveros handa siya nga pamatian kag pamangkuton ang mga testigo nga ginpresentar sang depensa sa impeachment trial ni Duterte.
Nagpasalig man ang Senador nga hatagan niya sang patas nga atensyon ang presentasyon sang depensa kaangay sang iya ginhimo sa mga hearing kag testimonya sang bahin sang prosekusyon.
Sa subong suno sa iya, wala pa sang indikasyon gikan sa defense panel kun tawgon nila ang bise presidente bilang testigo.
Apang suno kay Hontiveros, indi man malain nga mag-atubang mismo si VP Sara agud sabton ang mga alegasyon batuk sa iya.
Matandaan nga nag-withdraw bilang witness sang depensa si Dean Ralp Sarmiento bangud gusto sini nga ipabilin nga mangin hilaway kag wala sang ginakahadlukan bilang legal scholar.
Ginpahayag man ni House lead prosecutor at Batangas 2nd District Rep. Gerville “Jinky Bitrics” Luistro nga indi man makatambong si Atty. Suzette Balucanag-Punay, corporate counsel sang GenCorp Industries Inc. kag Metro City Chow Foods Corp, bangud sa natalana sini nga MRI.
