Ginkwestyon ni Senator Imee Marcos ang desisyon sang Office of the Ombudsman nga suspendihon si Senate Sergeant-at-Arms Mao Aplasca kasunod sang shooting incident sa Senado sang Miyerkules, Mayo 13.
Madumduman nga kahapon, Mayo 15, nagpaguwa sang anum ka bulan nga suspension si Ombudsman Jesus Crispin Remulla batuk kay Aplasca, duha ka adlaw matapos natabo ang kontrobersyal nga pagpangluthang.
Nagsabat man si Marcos nga dapat suspendihon sang Ombudsman si National Bureau of Investigation (NBI) Director Melvin Matibag.
Suno sa iya, nagabag-o-bag-o ang pahayag ni Matibag angut sa insidente nga nagapakita sang mga inconsistencies sa bahin sang NBI.
Ginkwestiyon man ni Sen. Marcos kon ngaa wala ginsuspende sang NBI ang ‘nagkastigo’ sa Office of the Sergeant at Arms, samtang ang Senate security chief ang gilayon nga ginsupende.
Wala man gindula sang senador ang posibilidad nga pamulitika sa likod sang tensyon nga nagluntad sa senado.
Una na nga gin-ako ni Aplasca nga siya ang una nga nagpalupok sa sulod sang senado bilang ‘warning shot’ batok sa mga NBI agents.
