Nadakpan na ang ginaalegar confidential agent sang National Bureau of Investigation (NBI) matapos nga nagpalupok sa sulod sang Senado kagab-i suno kay Senador Imee Marcos.
Gin-alegar nga gin-aresto ang indibidwal matapos gin-alegar ginkuha ang tactical bag nga nabilin sa ikaduha nga panalgan nga hagdanan sang Senate building, sa diin nabatian ang lupok sang armas luthang.
Wala pa ginpaguwa ang identity sang gina-alegar NBI personnel kag kon sin-o gid man ang nag-aresto sa iya.
Apang ginpanindugan sang Senador nga gin-alegar ginpahayag sang indibidwal nga “Atty.Bomediano” sang NBI-Organized and Transnational Crime Division (NBI-OTCD) ang iya sini nga boss.
Dugang pa sang gina-alegar nga agent nga ang iya superior ang gina-alegar nagmando sang operasyon may kaangtanan sa pagdakop kay Senador Ronald “Bato” dela Rosa, nga nagapangatubang sang arrest warrant gikan sa International Criminal Court (ICC).
Ginhangkat man ni Sen. Imee si Bomediano nga magpa-athag kaangot sa nagluntad nga lukpanay sa Senado.
Samtang, una na nga ginpanginwala ni NBI Director Melvin Matibag nga may ginpadala nga personnel ang NBI sa Senado, kabaliskaran man sa pahayag sang senador.
