Ginsumite na ni Senator Imee Marcos sa Office of the Ombudsman ang chairman’s report sang Senate Committee on Foreign Relations.
May kaangtanan ini sa pagka-aresto kay anay Presidente Rodrigo Duterte nga gindala sa the Hague bangud sa kaso nga crime against humanity.
Sa sulat sini kay Ombudsman Samuel Martires, ginpahayag ni committee chairperson Imee Marcos nga sa hearing ginbuyagyag ang ginhimu sang mga mataas nga opisyal sang gobyerno.
Ang mga tikang sang mataas nga opisyal sang gobyerno ang mahimo nga mag-atubang ang mga ini sa criminal kag administrative cases.
Pila sa mga opisyal nga luyag sang senadora nga imbestigaran sang Ombudsman amo sanday Justice Secretary Jesus Crispin “Boying” Remulla, Interior Secretary Juanito Victor “Jonvic” Remulla, PNP chief Police Gen. Rommel Marbil, CIDG chief Police Gen. Nicolas Torre III, kag Special Envoy for Transnational Crimes Markus Lacanilao.
Nagapati man ang senador nga ang Ombudsman ang wala sang kahadlok kag wala man ini sang ginadampigan kag ila nga kasuhan ang mga kinahanglan nga kasuhan.
Matandaan sadtong Marso 11 sang gin-aresto ang anay presidente agud atubangon ang kaso nga crime against humanity sa International Criminal Court bangud sa madugo nga kampanya sini sa iligal nga droga sa pagserbisyo niya.
