-- ADVERTISEMENT --
Gindala na sa New Quezon City Male Dormitory Jail si Senator Jinggoy Estrada matapos boluntaryo ini nga nagsungka kasunod sang pag-issue sang warrant of arrest batok sa iya may kaangtanan sa kaso nga plunder.
Pasado alas 8 sang gab-i kahapon nga adlaw, nag-abot ang senador sa Quezon City Jail sa Payatas, Quezon City matapos nga ginpaidalum sa mga kinahanglanon nga procedures.
Antes sini, ginpaidalom sa fingerprinting kag mugshots si Estrada sa talatapan sang Criminal Investigation and Detection Group (CIDG) sa Camp Crame bilang kabahin sang standard booking procedure.
Matapos ang proseso, ginbalik ini sa Sandiganbayan para sa return-of-warrant, kon sa diin nadesisyunan nga i-detain ini sa Quezon City Jail samtang ginahearing ang kaso.
