Ginkwestyon ni Senator-judge Imee Marcos ang ginaalegar kakulang sang dokumentasyon kag ang kakulang sang personal nga ihibalo sang witness angut sa ginapahayag papel ni Vice President Sara Duterte sa GenCorp.
Ginpamangkot ni Marcos ang testigo kon bala ang ginsumiter nga mga rekord maathag nga nagapakita kon si Duterte isa ka opisyal, direktor, shareholder, ukon benepisyaryo nga tag-iya sang GenCorp sa tion nga natabo ang mga transaksyon nga ginahambalan.
Nagsabat ang witness nga si PhilGEPS Division Chief Rendell Sopeña nga indi ini makita sa ila records kag kinahanglan pa ang corporate records agud mahibaluan kun ano ang posisyon ukon pagpanag-iya ni Duterte sadto nga panahon.
Ginkumpirmar man sini nga wala siya sang personal nga ihibalo kun mismo si Duterte ang nagpasakop sa pagpreparar ukon pagsumiter sang bids sang GenCorp.
Bisan angut sa mga award documents kag notices of award nga nabaton sang witness, indi niya makumpirmar kun nakabaton si Duterte sang anuman nga bahin sang presyo sang kontrata.
