Nagpanawagan naman ni Senator JV Ejercito si President Ferdinand Marcos Jr. nga gamiton ang iya ika-lima nga State of the Nation Address ukon SONA sa pagpresentar sang konkreto nga mga tikang sa pagsabat sang dalagku nga mga problema sang pungsod sa baylo nga maghimo sang bag-o nga mga promisa.
Suno kay Ejercito, ginalauman sang publiko ang mangin resulta sang kampanya kontra korapsyon, ilabi na sa mga flood control projects, subong man ang mga tikang agud mapanubo ang gasto sang mga Pilipino kag mapabaskog ang serbisyo sa ikaayong lawas.
Ginpanindugan man sang senador nga dapat pasabton ang mga involved sa ginaalegar korapsyon sa flood control projects kag iduso ang mga programa nga makapaayo sang imprastraktura kag pasangkaron ang benepisyo sang PhilHealth.
Magluwas sini, liwat nga nagpanawagan si Ejercito nga suspendihon ang excise tax sa mga produktong petrolyo sa tion nga mataas ang presyo sang langis sa international market agud mabuhinan ang epekto sini sa mga konsumidor.
