Ginkontra ni Sen. Kiko Pangilinan ang nauna nga pahayag ni Senate Impeachment Court Spokesperson nga si Atty. Reginald Tongol nga mahimo nga mapaguwa ang desisyon antes ang Disyembre 16.
Gintumod ni Pangilinan ang ginpahayag ni Tongol nga posible indi na maglampas sa 2027 ang trial bangud posible nga may yara sang final verdict sa Disyembre 16.
Suno sa senador, wala pa naistoryahan kag nadesisyunan sang Impeachment Court ang timetable ukon timeline sang nagapadayon nga trial, ilabi na ang posible verdict date sa Disyembre 16.
Ang nasambit nga petsa suno sa senador ang opinyon lamang sang speaker.
Bilang isa ka senador-judge, suno sa iya, wala niya ginasuportahan ang opinyon ni Atty. Tongol.
Dugang pa ni Pangilinan, wala sang otoridad ang abogado nga magpaguwa sang iya personal nga opinyon sa ngalan sang Impeachment Court.
Ginalauman nga sa Oktubre 16, temporaryo nga mapauntat ang trial agud tugutan ang Senado nga istoryahan ang 2027 National Budget kag magabalik liwat ang trial sa tunga-tunga sa Nobyembre.
