Ginbuksan ang Rizal Historic Trail sa Wilhelmsfeld, Germany agud dumdumon ang ika-165 nga kaadlawan sang pungsodnon nga baganihan nga si Jose Rizal kag agud padayunon ang pagpasidungog sa iya kabuhi kag pagpanglakaton samtang nagapabilin sa nasambit nga pungsod.
Ginpangunahan ni Senador Loren Legarda ang pagbukas sang trail sadtong Hunyo 20, isa ka adlaw matapos ang kaadlawan ni Rizal.
Ang ruta nabase sa isa nga ginlaktan ni Rizal halin sa Wilhelmsfeld pakadto sa Heidelberg sang 1886.
Suno kay Legarda, importante nga mapreserbar ang handumanan ni Rizal indi lamang sa Pilipinas kundi mangin sa iban pa nga mga pungsod nga nangin kabahin sang iya pormasyon bilang isa ka baganihan.
Ang programa nagalakip sang guided walk, pagsumpa sang mga bag-o nga miyembro sang Knights of Rizal, kag pagsuporta sa pagmentinar sang banas paagi sa pagbutang sang mga marker para sa mga bisita.
