Wala ginadula sang kampo ni Senador Loren Legarda ang posibilidad nga makapauli ini sa pungsod kag mag-upod sa majority bloc sang Senado.
Suno sa iya spokesperson nga si Tony la Viña, normal lang sa senado ang pagbag-o sang alyansa, ilabi na nga apat na ka presidente sang senado ang nagbaylo sa nakaligad nga apat ka tuig.
Ginpahayag man ni La viña nga indi katingalahan kon may ka-contact si Legarda sa iban nga mga Senador, bangud ginapahayag nga maayo ang relasyon sini sa iya mga kaupdanan sa Senado.
Samtang, ginpahayag sang spokesperson nga wala niya nakita nga direkta nga may kaangtanan sa impeachment proceedings ang pagbiya ni Legarda sa senado.
Sa baylo, gintudlo niya ang political fallout gikan sa mga alegasyon sang korapsyon nga ginpalab-ot sang iya anak nga si Batangas Representative Leandro Leviste.
Nahibaluan nga si Legarda ang yara sa medical leave halin sang Agosto 3 kag ang pinakaulihi nga extension sang iya leave amo ang tubtub Oktubre 9.
