Ginpanginwala ni Senator Juan Miguel Zubiri ang alegasyon ni anay Department of Public Works and Highways (DPWH) Secretary Manuel Bonoan nga may mga listahan sang project requests nga ginadumalahan ukon ginahawiran sang mga senador.
Suno kay Zubiri, wala siya nagdumala sang listahan sang mga proyekto nga gin-request sang mga senador.
Ginpahayag man niya nga wala sang proposed budget amendments nga nag-agi sa iya opisina.
Suno sa senador, ang mga request nagaagi sa Senate Committee on Finance bilang kabahin sang proseso sa paghimo sang national budget.
Dugang pa ni Zubiri, wala siya sang nakit-an nga problema sa mga proyekto para sa mga kalsada, taytay, airport, seaport kag iban pa nga imprastraktura, basta ini aprobado sang nagpatuman nga ahensya, husto ang pagpatuman kag wala sang personal nga interes ukon korapsyon.
Samtang, ginpanginwala man ni Senator Bong Go ang alegasyon ni Bonoan nga nagsumiter siya sang listahan sang mga proyekto kay anay DPWH Undersecretary Roberto Bernardo.
Suno kay Go, indi siya makahatag sang detalyado nga komento bangud wala sang klaro nga basehan ang alegasyon.
Ginpahayag niya nga dapat ipokus ni Bonoan ang iya kaugalingon sa pag-atubang sang iya problema kag indi na pag-upod ang mga senador.
