Nagpaandam si Senador Robin Padilla nga basi magdesisyon siya kag ang iya mga kaupdanan nga kaalyado nga senador nga lubos nga i-boycott ang impeachment trial batuk kay Vice President Sara Duterte kun magpadayon ang pagbali sang mga probisyon sa konstitusyon.
Ginpahayag sang senador nga samtang wala pa sang pormal nga paghinun-anon, may daku nga posibilidad nga matabo ini kasunod sang wala ginapaabot nga mga pagbag-o sa Senate trial proceedings.
Gin-ako man ni Padilla nga temporaryo ini nga nagapaiway sa pagtambong sa plenary sessions samtang nagahulat sang desisyon sang Korte Suprema sa petisyon nga ginpasaka nila ni Senador Christopher “Bong” Go nga nagahangkat sa voting threshold nga gintalana para sa conviction sang Bise Presidente.
Ginhatagan pagtamod sang mamalidha nga sa baylo nga magpungko sa plenaryo, nagatutok ini sa pag-monitor sang tagsa ka hearing kag witness testimony paagi sa telebisyon gikan sa iya opisina, nga nagatugot sa iya nga dungan nga matuman ang iya iban pa nga mga katungdanan bilang isa ka senador.
Liwat nga ginpanindugan ni Padilla nga proteksyon sang Konstitusyon ang iya tikang kag magabalik lamang siya sa paghambal sa plenaryo kun may yara sang importante nga punto nga kinahanglan ipautwas sa tunga-tunga sang proceedings.
