Nagpaandam si Senator Panfilo “Ping” Lacson nga posible matapos sa constitutional crisis ang impeachment trial batok kay Vice President Sara Duterte kon magkulang ang mga senador-judges bangud sa posible suspension ukon detention sang pila ka mga senador may kaangtanan sa imbestigasyon sa ginaalegar iregularidad sa flood control projects.
Suno kay Lacson, dapat nga tun-an kon mahimo pa nga magserbe bilang senador-judges ang mga suspended ukon detained nga mga senador, bangud mahimo nga magkatuhay ang Senado bilang isa ka institusyon kag ang impeachment court.
Gin-athag sini nga kun buhinan ang numero sang mga senador-judges, posible nga magnubo sa 15 ang numero sang mga senador nga makatambong, nga mangin problema bangud kinahanglan ang 16 ka boto ukon 2/3 sang tanan nga senador agud makapasar sang verdict sa impeachment proceedings.
Ginsuhestyon man sini ang posibilidad nga tugutan ang mga detained senador nga magtambong sa hearing sa idalom sang hugot nga pagbantay, ukon i-postpone ang impeachment trial tubtob matapos ang 90-day preventive suspension sang mga apektado nga mamalidha.
Samtang hugot naman nga ginpamatukan ni Lacson ang proposal nga panubuan sa 12 ang required votes para sa isa ka verdict kag nagapanindugan nga maathag nga ginakinahanglan sang Konstitusyon ang two-thirds majority sang bug-os nga Senado para sa ano man nga desisyon sa impeachment.
