Nagpabutyag sang suporta si Senator-Judge Pia Cayetano sa ginhimo nga desisyon ni Senate President kag impeachment court Presiding Officer Francis “Chiz” Escudero angut sa pagpatigayon sang impeachment trial kay Vice President Sara Duterte.
Ginkwestyon man ni Cayetano ang paathag nga ginhatag ni House private prosecutor nga si Atty. Lorna Kapunan angut sa pag-withdraw sang House prosecution sa pila sini ka nabilin nga testigo para sa Article IV, nga may kaangtanan sa alegasyon sang grave threath.
Suno sa senador, importante gid nga ipresentar ang nasambit nga mga witnesses bangud nagapamatuod ang ila testimonya sa mga ebidensya nga ginasumite sa impeachment court.
Dugang pa niya nga katungdanan sang mga abogado nga pamangkuton ang mga testigo agud mapabakod kag mapamatud-an ang mga ebidensya sa nagapdayon nga trial.
