Ginpahugtan ni Sen. Panfilo Lacson ang pila ka mga pagsulundan sa hearing sang Senate Blue Ribbon Committee angut sa flood control scandal.
Sa una nga hearing ni Sen. Lacson bilang chairman sang komitiba sang Setyembre 18, ginplastar sang Senador ang pila ka mas istrikto nga mga pagsulundan kaangay sang pagsunod sa lima ka minutos nga questioning period para sa tagsa ka Senador, nga indi na maglakip sang mga sabat sang mga resource persons.
Hugot man nga ginsunod sang Committee chair ang isa ka follow-up nga pamangkot para sa tagsa ka Senador nga isulod samtang ang mga kaupod nga Senador nagapamangkot.
Kon magsunod ang isa pa ka pamangkot, igabuhin ini sa tion nga nagapamangkot ang subong nga Senador.
Dugang pa ni Lacson, hugot nga sundon ang kinamatarong sa legal nga representasyon sang tagsa ka resource person. Apang suno sa iya, indi gid sila pagtugutan nga magsabat ukon magsabat sa mga Senador.
Wala man ginpahanugutan ang pagkaon sa sulod sang komitiba kag sa baylo ginhatagan lamang sang 30 minutos nga lunch break ang mga partisipante.
Ginpanindugan man ni Lacson nga ang pagsunod sa amo nga mga pagsulundan kabahin sang handom sang komitiba nga mahatagan sang kahigayunan ang tanan nga mga Senador nga makapamangkot kag magpagwa sang mga impormasyon nga yara sa ila nahanungod sa maabomaliya nga flood control projects, kadungan sang handum sang komitiba nga buksan ang serye sang mga anomaliya.
