Magabalik sa pag-arte ang actor kag senator nga si Robin Padilla sa iya bag-o nga action series nga “Blood vs Duty.”
Ginkumpirma ini sang isa ka kilala nga production studio sa social media post, kon sa diin gin-anunsyo sini ang pinasahi nga partisipasyon ni Padilla sa nasambit nga serye nga ginabidahan nanday Gerald Anderson kag Richard Gutierrez.
Sa serye, si Padilla ang mangin isa ka Muslim nga karakter nga si Ahmad Mustapha.
Samtang ginpahayag ni Robin nga ang iya pagbalik sa pag-arte ang bangud sang iya “kabudlayan” samtang nagaserbisyo sa pulitika.
Matandaan nga una na nga ginpakigbahin ni Robin nga ginabaligya man sini ang iya propiedad sa Quezon City nga kilala bilang Museo de Padilla.
Pahayag pa niya, ang iya pagbalik sa telebisyon kasunod sang iya katapusan nga proyekto sang 2018 nga “Sana Dalawa ang Puso Ko,” kun sa diin nakaupod niya si Jodi Sta. Maria.
