Daw kaangay nga nagbalik sa “bad boy” image si Senador Robin Padilla, pagkatapos nga nagtambong ini sa advance screening sang “Bad Boy 3” sa Cubao, Quezon City, pila ka oras pagkatapos sang Senate Blue Ribbon Committee hearing nga ginpangunahan sang kampo ni Senate President Alan Peter Cayetano.
Matandaan nga kaupod ni Padilla sa hearing sanday Sen. Pia Cayetano, Sen. Rodante Marcoleta, kag Sen. Imee Marcos, kon sa diin gin-istoryahan ang ginapahayag maanomaliya nga flood control projects.
Naglapta man ang mga espekulasyon sang tensyon sa tunga niya kag ni DILG Sec.Jonvic Remulla nga gilayon ginpanginwala sang magtimbang nga bahin.
Pagkatapos sang session, nagdiretso si Padilla sa screening kag ginhakos ang iya asawa nga si Mariel Rodriguez-Padilla.
Nahibaluan nga Ang “Bad Boy 3” amo ang pinakabag-o bnga installment sang pelikula nga nagpabantog sa iya sang dekada’90s.
Gin-ako man ni Robin nga mas malipayon siya sa showbiz kon ipaanggid sa pulitika bangud sa kabug-aton sang iya katungdanan, kag ginpakigbahin man sini nga posible ipasa niya ang titulo nga “Bad Boy” sa iya hinablos nga actor nga si Daniel Padilla.
