Liwat nga ginbuksan ni Senador Rodante Marcoleta ang ginapahayag pagpanubo sang presyo sang langis sa Singapore kadungan sang Senate Ad Hoc PROTECT Committee hearing subong nga adlaw, base sa independent data nga iya ginsumite sa Senado.
Suno sa data, ang ginabanta nga “landed cost” sang diesel gikan sa Singapore amo lamang ang P61 kada litro, malayo sa subong nga presyo sa pangkalibutanon nga merkado nga kapin sa P100 kada litro.
Bangud sini, namangkot si Marcoleta kun ngaa wala ini ginakonsiderar sang mga kumpaniya sang langis sa pungsod.
“Kon matuod ini, ngaa indi kita magbakal sang direkta didto?” suno sa iya.
Magluwas sa supply, gin-atubang man sang hearing ang kapasidad sang pungsod sa pagtipig sang langis.
Suno sa datos, ang kabug-usan nga storage capacity sang Pilipinas, lakip ang mga depot kag retail infrastructure, nga nagalab-ot sa 4 billion ka litro, katumbas sa kapin sa duha ka bulan nga supply.
Bangod sini, ginpahayag nga ang mas manubo nga presyo sa iban nga mga pungsod mahimo nga magamit kon ang data mapamatud-an nga husto.
