Senator Rodante Marcoleta, gintawag nga kampon ni Judas ang mga senador nga magsaylo sa minority bloc halin sa majority bloc

Gintawag ni Senator Rodante Marcoleta nga kampon ni Judas ang mga senador nga nagplano nga magsaylo halin sa Majority bloc pakadto sa Minority Bloc.

Nahibaluan nga kahapon nga adlaw, gina-associate nanday Senator Migz Zubiri kag JV Ejercito ang ila kaugalingon sa Senate minority ukon upod kanday former Senate President Vicente Tito Sotto III.

Bangud sini, may 11 na ka mga myembro ang minorya, kag may 13 naman ang sa mayorya.

Gin-athag nila ini sa plenaryo kahapon nga adlaw matapos nga pareho sila nga nag-abstain sa binotohay kadungan sang Kudeta sang nagligad nga Lunes, Mayo 11.

Kadungan sa pagbukas sang plenary session napilian man si Marcoleta nga magpamuno bilang chairman sang Committee on Public Services.