Nagpagwa sang pahayag si Senator Rodante Marcoleta kasunod sang pagbawi ni retired Marine Master Sergeant Orly Guteza sang iya nauna nga testimonya sa Senate Blue Ribbon Committee.
Ini ka-angot sa imbestigasyon sang Senado sa gina-alegar nga anomaliya sa mga flood control project.
Madumduman nga sang Setyembre 25, 2025, nagtestigo si Guteza sa Senado kag nagsiling nga nagdeliver siya sang minaleta nga kwarta kay anay House Speaker Martin Romualdez.
Apang sang Agosto 19, ginbawi ni Guteza ang iya ginpahayag, nga gin-akusaran man niya sanday Marcoleta kag anay Congressman Mike Defensor nga nagsugo sa iya nga ipangalan si Romualdez.
Sa iya Facebook post, ginpanginwala ni Marcoleta ang mga alegasyon ni Guteza.
Suno kay Marcoleta, posible nga napilitan si Guteza sa pagpirma sang bag-o nga affidavit bangud sa ginsambit nga pamahog sa iya kabuhi kag sa iya pamilya.
Nagpanawagan si Marcoleta nga ipadayon ang imbestigasyon kag pasabton ang mga responsable sa pagkuha sang pondo nga para sa flood control projects.
