Nagpangayo sang sorry si Senator Rodante Marcoleta sa mga mamamahayag matapos gintawag sini nga “paid hacks” uko bayaran ang pila ka katapo sang media, isa ka pahayag nga nagkuha sang mabaskog nga kritisismo gikan sa press kag pila ka mga opisyal.
Suno kay Marcoleta, ginhinulsulan niya ang iya ginhambal, apang ginpanindugan sini nga resulta ini sang pagkadismaya sa mahinay nga imbestigasyon sa mga maanomaliya nga flood control projects kag ang ginaalegar kapaslawan sa pagsambit sa iya sa pila ka mga report nahanungod sa Iglesia ni Cristo rally sang Enero 2025.
(MEDIA)
Suno sa senador, nagtambong siya bilang speaker sa rally apang wala siya ginlakip sa pila ka news reports, gani namangkot ini kun ngaa “wala siya nakita” sang pila ka journalists.
Samtang, ginpakamalaot naman sang mga media organizations ang pahayag sang senador kag gintawag ini nga “iresponsable” kag “reckless attack” batok sa mga journalists.
Nagpabutyag man ang Presidential Task Force on Media Security sang kabalaka, nga nagasiling nga ini nga sahi sang pag-generalize mahimo makahalit sa kredibilidad sang media kag magbutang sa mga journalist sa katalagman.
