Ginpasalig ni Senate Committee on Finance Chairperson Sherwin Gatchalian nga wala sang rason nga mangin source sang korapsyon ang masobra P243 billion nga balor sang unprogrammed funds sa idalum sang 2026 proposed national budget.
Suno sa senador, diri naghalin ang madamo nga bahin sang unprogrammed appropriations, isa diri amo ang Strengthening Assistance for Government Infrastructure and Social Programs (SAGIP) nga nagpondo sang indi maisip nga mga proyekto sa infrastructure kag social service projects.
Gin-athag ni Gatchalian nga lubos nga kakason ang SAGIP sa ginaproponer nga spending plan agud masiguro nga wala na sang korapsyon sa pondo nga kuntani gintalana para sa kaayuhan sang publiko.
Dugang pa niya, sa bag-o nga porma sang unprogrammed funds, makasalig ang publiko nga wala sangpagahalinan sang korapsyon kag ini ang mangin rason sang transparency.
Samtang, ginhatagan man pagtamod ni Gatchalian nga indi ilegal ang pondo sa idalom sang unprogrammed funds kag tuyo nga mangin standby funds para sa mga proyekto nga padayon pa nga gina-negosyar kag wala pa sang pinal nga kontrata.
