Luyag sang mga myembro sang Senate minority bloc nga ginatumod ang ila kaugalingon bilang SB-11 ukon Solid Bloc 11, nga si Senator Sherwin Gatchalian ang mangin Senate President.
Suno kay Sen. Francis Pangilinan, napamatud-an na ni Gatchalian ang iya kaugalingon ilabi na sang deliberasyon sang 2026 national budget.
Gani nagasalig ini nga ma-protektahan ni Gatchalian ang kwarta sang publiko kag masiguro nga nagakadto ang pondo sa mga mapuslanon nga butang kag sa mga tuman nga nagakinahanglan.
Si Gatchalian ang nangin chairman sang Senate Committee on Finance apang ginbuslan ini ni Senator Mark Villar bangud sa pag-ilis sang liderato.
Dugang pa sang natungdan, mangin si Senate President Alan Peter Cayetano ang nagpabutyag man nga botohon niya si Senator Gatchalian bilang Senate President.
