Ginpangalanan sang International Criminal Court sanday Senator Ronald “Bato” dela Rosa kag Senador Christopher Lawrence “Bong” Go bilang mga co-perpetrators sa kaso may kaangtaann sa drug war ni former President Rodrigo Duterte.
Sa ginpaguwa nga Document Containing the Charges sang Pebrero 13, gintumod si Duterte bilang indirect co-perpetrator sa idalom sang Article 25 (3)(a) sang Rome Statute para sa mga crimes against humanity, partikular ang murder kag attempted murder.
Nasaad sa dokumento nga ang mga pagpatay ang natabo humalin 2011 tubtob 2019, lakip na ang mga insidente sa Davao City nga ginaangot sa Davao Death Squad, kag mga operasyon sa idalom sang war on drugs sang tion sang iya administrasyon.
Suno sa ICC, ang pag-angot nanday dela Rosa kag Go sa listahan ang bangud sa ila nangin papel sa pagpatuman kag pagsuporta sa mga polisa sang drug war.
Lakip man sa mga gintumod nga opisyal ang pila ka mga anay myembro sang gabinete kag law enforcement agencies nga may direkta nga ideya sa operasyon.
Yari ang mga pangalan nga gintumod sang ICC;
Ronald “Bato” Dela Rosa
Vicente Danao
Camilo Cascolan
Oscar Albayalde
Christopher Lawrence “Bong” Go
Dante Gierran
Isidto Lapeña
Vitaliano Aguirre II
Iban pa nga opisyal sang Philippine National Police kag high-ranking government officials
Padayon pa nga ginahulat sang Bombo Radyo ang sabat sang mga opisyal nga ginpangalanan sa dokumento.
