Gin-ako ni Senador Robin Padilla nga sila mismo ni Sen.Bong Go ang nag-advice kay Sen. Ronald “Bato” dela Rosa nga temporaryo nga maglikaw kag magpakita sa publiko.
Sa isa ka interview, ginpakigbahin ni Padilla nga sila mismo ang nagsuhestyon kay Dela Rosa nga indi na magpakita sa subong rason nga wala ini nakatambong sa Reform Alliance for Good Governance and Accountability Coalition.
Sa pihak sini, ginpasalig ni Padilla nga padayon nila nga suportahan ang inisyatibo ni Sebastian “Baste” Duterte, ang Reform Alliance for Good Governance and Accountability (RAGE), nga nagatuyo nga pabaskugon ang kampanya batok sa korapsyon.
Dugang pa sang senador nga apisar nga wala siya nakatambong sa personal, nakapabutyag sa gihapon si Dela Rosa sang iya panindugan angot sa nasambit nga Coalition.
Nahibaluan nga ang RAGE Coalition ginlunsyar bilang isa ka tikang sa pagpabaskog sang adbokasiya para sa maayo nga pagdumalahan kag salabton sa gobyerno.
