Ginpanginwala ni Senate President Francis “Chiz” Escudero nga gin-file sa upper chamber ang ginaalegar Senate resolution nga nagapatuman nga i-dismiss ang impeachment case batuk kay Bise Presidente Sara Duterte.
Suno kay Escudero, wala pa man sang gin-file ukon naka-pending nga resolution kag ang dokumento nga nagaguluha sa karon sa social media ang ginaalegar nagahinyo sang deklarasyon sang kaso nga impeachment ni Duterte bilang “de facto” nga ginbasura “pamaagi sa operasyon sang 1987 Constitution.”
Ginsiling pa diri nga ang 19th Congress wala sang bastante nga tyempo agud i-deliberate kag maresolbar ang impeachment article batuk kay Duterte bangud sa ang sitwasyon indi makatabok sa nagahilapit nga 20th Congress.
Sa pihak nga bahin, ginsiling man sang Senate Minority Leader nga si Aquilino “Koko” Pimentel nga may dako nga posibilidad ang mga dokumento peke.
Gin-segundahan man nanday Senators Risa Hontiveros, Joel Villanueva, JV Ejercito, kag Cynthia Villar kun sa diin ginsiling man nila nga wala pa nila makita ang amo nga Senate resolution.
Samtang, wala gilayon nagsabat ang ka-alyansa ni Duterte nga sanday Senators Ronald “Bato” Dela Rosa kag Bong Go, sa pamangkot sang mga reporters natuhoy sa nasambit nga dokumento.
Apang, ginpahayag ni Senator Imee Marcos nga ang ginapatihan nga resolusyon ang nalakip sa pila ka mga draft nga iya nasugata angut sa impeachment.
Madumduman nga ang reading sang impeachment raps batuk kay Duterte ang ginhalin sa Hunyo 11 nga nagikan sa Hunyo 2.
Gin-impeached si Duterte sang House of Representatives sang Pebrero 5, sa diin masobra 200 ka mga mamalidha ang nag-endorso sang reklamo batuk sa iya. Gin-akusaran ini sang pagluib sa pagsalig sang publiko, paglapas sa konstitusyon, korapsyon kag iban pa nga mga mataas nga mga krimen.
